..........بصى فى ملامحى...........

(( بُصى فـ ملامحــــــــــــى ))


قدامك وانا مستغرب
وشويه شويه بقرب
مش شايف منك أى حنين
بدأت وقولت ازيك
صدمنى الرد منك
وصْلِت لقولت انت مين !!

بُصى فـ ملامحى دققى
بالكدب حتى صدقى
مفيش يعنى حاجه تفكرك
مش فاكره كلمه قولتها
فرحتى بيها فـ وقتها
مش فاكره مين بيقدرك

هو ايه جد يعنى ؟؟
معقول يضيع أملى فيكى
قابل قلبك يبيعنى !!
طب بس ايه ينسيكى؟

لو الملامح اتغيرت
وكل حاجه اتبدلت
إحساسك برضه يعرفك

بُصى فـ ملامحى دققى
بالكدب حتى صدقى
مفيش يعنى حاجه تفكرك
مش فاكره كلمه قولتها
فرحتى بيها فـ وقتها
مش فاكره مين بيقدرك

لولو