****هاين عليا****

قلبك زمان من لهفته .. كان وقت لما بكلمك .. يعاتبني لو طوّل سكوتي
شفتي الكلام من قلته .. دلوقتي جاي بكلمك .. الاقيكي ناسية حتى صوتي


انا مش مصدق انك انتي هي هي ..
اللي حست ياما بيا .. واللي كانت عايشة ليا .. واللي ماتت بس فيا
هاين عليا من كلامك واللي فيا ..
اني اسحب كل كلمة .. كنت قلتها قبل لما .. تصدميني الصدمة ديا


فاكرة زمان وقت اللقى .. كانت عنيا لو تغيب .. عنك لثانية تكوني حاسة
اني خلاص هنسى بقة .. وبجد فعلا آه هغيب .. دة لإن فيكي حاجة ناقصة

كان كل خوفك وانا جنبك إني اسيبك ..
كنت اطمن ياما قلبك .. اني هفضل وحدي جنبك .. مش هسيبك مهما كان
لكن خلاص دلوقتي انا لأ مش حبيبك ..
دة اللي باين منك انتي .. وانتي بردو مش حبيبتي .. اللي حبيتها زمــان

لولو